Memories of the Alhambra ح7 مسلسل ذكريات قصر الحمراء الحلقة 7 مترجمة

ختام الحلقة غريب بالنسبة لي اول مرة من بداية المسلسل ميعجبنيش خاتمة الحلقة مش شايف سبب لحنقها عليه هي فكرت وواستنتجت انه فيه رابط بين الفلوس اللي دفعها واللعبة اللي هيصدرها واخوها طيب ايه المشكلة لما يدفع لك 10 مليون دولار في لعبة مش فارقة اذا كان بيت او لعبة يظل المبلغ كبير ! هل عشان كدب وقال بيت بدل لعبة ولا عشان هو بعتلها رسايل باسم اخوها ؟ مظنش انه اي من الحاجتين يستاهل زعلها ومفيش شئ يخليه يقولها متثقيش فيا كانه عمل جرم كبير !
بالنسبة لمسالة رجله دي معرفش ازاي وصل للمستويات العالية في اللعبة دي وهو رجله كدا حاجة مش منطقية كان الافضل يكون سليم بدنيا ويصل للمستويات العالية دي في اللعبة اللي يخليه اقوى مقاتل في الحقيقة يعني اللعبة تسببت انها خلقت واحد يجيد كل الفنون القتالية وخارق للعادة لكن واحد مكسور رجله ويوصل للمستوى ال85 هنقول انه الاسلحة الحديثة جت في المستوى ال50 لكن من ال5 الى ال50 معقول يحقق كل النجاحات دي بسيوف ورجل مكسورة ؟؟؟؟
مسالة انه المساعد بتاعه بدا يشوف بشكل تلقائي عدوه اللدود تشا اجهضت احتمالية انه مريض زي ما بعض الناس كانت خايفة بس سؤال في الحلقة اللي قال فيها بعد مرور عام وكان موجود في قطر وكان بيقتل الناس من القوات الخاصة بمسدس و باقي الناس في القطر بتصوت دا كان ايه ! مش مفروض يكون دا بعد عام يعني نفس التوقيت بتاع بعد 3 شهور من رجوعه لكوريا ! والقطر دا تقريبا كان في غرناطة !
واضح انه الحلقة الجاية هيتخانقوا بسبب موضوع اخوها وهي هتسافر اسبانيا تاني !