Let’s Fight Ghost ح11 مسلسل لنتقاتل أيتها الشبح الحلقة 11 مترجمة

ههههه الحلقة ال11 نصها الاولاني مليان حزن وكابة مش عادية و النص التاني مليان مفاجئات وقنابل نووية حرفيا من المفاجئات ههههه
مكنتش متوقع ابدا انها تكون روح مش شبح وانها في غيبوبة مش ميتة انا بحب الدرامات اللي فيها حب مستحيل من عالمين مختلفين زي حبيبي من نجم اخر و اسطورة البحر الازرق وهل انت انسان ايضا
لكن الدرامات اللي يحلوا المشكلة ويخلوهم هم الاتنين بشر زي بعض زي انا لست روبوت و زي مسلسل الجمال الداخلي او المسلسل الحالي لنتقاتل ايتها الشبح مبحبش انهم يحاولوا يسهلوا الامور عليهم بانهم يخلوهم بشر زي بعض ومع ذلك حاسس باثارة كبيرة لانه واضح كمان من الحلقة الجاية انها هتفقد كل ذكرياتها معاه لما تفوق من الغيبوبة ودي معناتها معاناة فوق المعاناة ههههه بس اكيد هترجع لها الذكريات دي بطريقة ما بس هيكون طلعوا عنينا هي بقالها فترة هي اللي بتطلع عين البطل بعد ما طلع عينها في مسالة الدراسة والجامعة والبنت الغريمة لها هي عمالة تنفضه بقالها فترة مش عارف ليه بيصعب عليا البطل اوي لما تتبدل الادوار لانه معظم المسلسلات الكورية البطل بيكون قوي في البداية والبطلة ضعيفة بعدين هي بتستقوى عليه في النص التاني من الدراما وبتفشخه حرفيا ههههه
بس سؤال هنا هل الشرير كان بيحاول يموتها ولا كان بيحاول يصحيها وهل هو نقل اروحه الشريرة ليها ولا لا ؟ وهل هو فاشل للدرجة دي لدرجة انه يكون بيحاول يقتلها ويفشل ؟ انا مش فاهم هو مستحلف للبطل والبطلة ليه وايه علاقته بيهم ؟