Black Knight ح20 الاخيرة مسلسل الفارس الاسود الحلقة 20 الاخيرة مترجمة

انا متاكد انه 99% من اللي اتفرجوا ع الدراما دي معجبتهمش النهاية عشان كدا مفيش حد اتكلم عن الدراما دي من الكي دراما فانز في اليوتيوب بس انا نوعا ما عجبتني وان كنت حابب انه النهاية يتفرد لها حلقات اكتر يعني هم مطوا كثير في مسالة شارون وبعدين كروتوا النهاية لو هم كانوا عاوزين البطل يعيش والبطلة لا وانا كنت عاوز كدا طبعا الغالبية كانوا عاوزين البطل تزول لعنة الخلود من عليه ودا كان التمني والتوقع بس كون المؤلف خالف التمني والتوقع دا شئ يحسب له لانه مش شرط النهاية تكون سعيدة بشكل كامل بس كنت حابب انه هو ياخد من دموعنا شوية واحنا بنشوف معاناة البطل في التنقل بين حيوات مختلفة واماكن مختلفة والتخلي عن حيواته القديمة وتبني اسماء جديدة ومعاناته في التقليل من احباطه هو تارة و من احباط البطلة تارة وهم الاتنين بيواسوا بعض بالتبادل لكن اللي حصل كروتة وكمان تجنب انهم يجيبوا وجه البطلة وهي في مرحلة الكبر الا في اخر مشهد فقط وكمان محسيتش بالحميمية بينهم يمكن بسبب فارق العمر بس كنت حابب اشوف الشحتفة بتاعة النهاية ايوة هي ممكن متكونش حريصة ع الحياة بس هو بما انه خالد وبما انها هتمشي فالامر بالنسبة له كانهم عاشوا يومين مش عمر كامل يعني كان هيبان عليه تاثره الشديد من فكرة مغادرتها طب لو مثلا الامر متعلق بامراض وشيخوخة كان ممكن يعرضهولنا وبالتالي الشحتفة تكون في مكان تاني بحيث يكون الوداع الهادئ دا في محله المهم انه مكنوش موفقين بس في حالة البرود والكروتة اللي كانت في النهاية مش عشان خط النهاية الرئيسي اللي اختاروه اللي انا شايف انه موفق بس مفيش كثافة العواطف المطلوبة في اي نهاية حتى لو كانت ميلودرامية مفروض يستغلوها ملقيتش دا للاسف … كمان حسيت انه شارون ماخدتش النهاية اللي تستحقها وكمان حسيت انه فيه مجاملة كبيرة اوي للحفاظ ع رونق شارون والبطلة من حيث جمالهم في الدراما بحيث لا ادونا حقنا في الانتقام من شارون ولا ادونا حقنا في فكرة نشوف التناقض الموجع بين البطل والبطلة في اختلاف العمر يعني كان ديما التعبير عن كبير العمر في لون الشعر فقط ودا خطا تقني كبير … لو انت كنت عاوز نهاية حزينة مفروض تخليها حزينة بشكل فعلي لكن مش بالمنظر دا اللي هي لا سعيدة ولا حزينة وانما باردة